食在广州我至醒！

身为广州人，当然食过广州嗝好多美食啦，尤其系中意食嗝我！宜家就＝我同大家分享我食过嗝地方啦！

1,半岛西餐酒廊（海珠区滨江东路69号），间野好多鬼佬去，哩间餐厅好特别，巨地用嗝糖5系普通嗝白沙糖，而系液态糖，而且功效多多，有减肥，治便秘，清肠排毒等等嗝功效。加入咖啡入面好滑口感好好，芦荟汁好好饮，松饼（18蚊）好好食！棒，值得再去！！！

2,香岛小筑（西餐），我相信好多后生仔女都话去过，因为果度D野食相对便，甘晒我地D年轻人，环境都算OK啦！不过我地又少左间食啦，因为系河南广医二院对面果间小筑因要建地铁阿，所以拆左啦！最记得上次同两个F去，3个人点左两个情侣套餐，先66蚊咋，我地真系好疯狂阿，食到好饱啦！正！！！最中意就系果度嗝鸡扒，好食到不得了！

3,宝华路嗝顺德鱼皮，相信好多人都会去过，果度剩系得3钟野食，一，猪肠粉2蚊，粥5蚊，鱼皮20蚊（超5底食，得好少咋，味道都OK啦）。而且上野速度好快，哩头比完钱，果头就有得食啦～

4,澳门街（五羊新城），4个人食左300蚊，虽然系贵左D，但真系食过翻寻味阿！咖喱虾（超正），猪颈肉，秋刀鱼，XX骨（都好正）。

5,表妹（粤菜，燕子岗花园），好耐之前去过咯，超多人阿！最记得就系每围台只准点一碟牛丸(20蚊左右挂），其他嗝印象5深。

6,心动餐厅（东南亚菜，系江南大道中，系淇乐多隔离，好5显眼，有条路仔入去）。3个人食左40蚊。送例汤。点左猪颈肉，西<花焗芝士，跟住5记得咯！好似5系几多人去！

7,陈记面店（同福西路，33中附近，龙吐尾市场附近），哩间野都算经典啦，超多人阿！我次次去都会叫猪肠面（林）＋牛三星汤（爽），先至系6.5蚊咋，而且食到好饱啦！！！云吞面都5错，D咸酸任你罗阿！！！
食完以上两样野已经好饱加啦，但你一定要食埋附近嗝，华辉拉肠隔离嗝饺子阿，果间店系老字号来加，得韭菜饺，超好食阿，4毫子只。果度中有蒸饼，春卷，干蒸，粥，糖水，猪肠粉食加！

8,大城小厨（文明路）两个人食左96蚊，哈，我地都算大食啦！间野超多人吖，味道都OK啦，品种都几多嗝。点左芝士海鲜螺粉（24蚊），牛筋烩饭（32蚊），海鲜XX拼盘（28蚊，5抵食，得好少），中有个16蚊嗝，5记得叫咩名咯。有POCO卡送甜品，我地罗左个咖啡布丁，好滴色吖！！！

9,天母蓝咖啡（江南西）间野睇落去几高级嗝，价钱都几贵下，D服务员态度5错，而且几靓女添，但动作太慢啦！我地系夜晚食完饭先去倾计饮野嗝，3个人都食左80几蚊吖，都5知食出麦。点左个柚子茶（32蚊，都有3杯仔左右啦），田园批萨，8寸（46蚊）。

10,食字路口（恒宝广场3楼），有台湾小食。两个人食左60,70蚊左右。点左柠叶排骨（28蚊），棺材板（12蚊，OK），天妇罗（6元，好食），鳗鱼拍黄瓜（5蚊），蚵仔煎(8蚊，无小猪煮得禁好食，个样完全5同转角遇到爱影嗝），茶位2蚊/位（好饮，系麦茶来加）。POCO卡好似打左9折。如果两点下午茶时间去嗝话会中便吖！

11,庆记炭烧（宝业路条食街），本来一心想去食生蚝加，点知整成个钟等到我地食晒其他都未有得食生蚝，所以取消左啦，服务态度超差吖，真系5好去吖！！！点左菠萝生炒骨（好似系23蚊）,茄子（5蚊），味道一般，不爽！

12,绿茵阁（宝岗广百新翼果间），果度好似地下室锦吖，中有人系度驻场添，但几吵下。两个人去倾下计姐，就食左成百蚊啦。点左红豆冰雪糕（20蚊），炸鱿鱼（椒盐，18蚊），鸡扒（42蚊），中要左杯咖啡。

13,出来滚（南华东路），去过两次，第一次好好食，第二次去D猪骨煲又少又辣，凉面就咸屎大濑。猪骨煲（有鸡脚，萝卜玉米，68蚊），凉面（5蚊），3个人食都几饱嗝。

14,海珠区基立下道站（系大排档，有栏杆，有两三步楼级落去嗝，5记得叫咩名，宜家广州好少有禁嗝环境嗝地方食野啦），哩间野超多人吖，但环境卫生就好5掂档啦。3个人食左120蚊吖！点左生蚝（大嗝，35蚊，都OK好食），炒粉5错，鸡翼（4蚊/只），茄子（3蚊/条），鱿鱼筒好正，中有－－－5记得咯！～

15,重庆菜（下渡路），广州人千奇5好去吖，太辣味道太重啦。4个人去，点左豆腐纸火锅，XX排骨（辣椒中多过排骨，睇落去都觉得恐怖吖），水煮鱼(好多辣椒），青菜，成餐都5知食出埋，系D茶最好饮嗝姐，去到就系饮茶。

16,芳村大排档（坐到大冲口落车，行前D就到。果条路好静，但果间野就超旺，一眼望去至少有70张太吖），D菜好抵食，甘晒广州人口味，3个人食60蚊左右就已经好饱啦！

17,百豆堂（宝岗，宝丽金对面），系食特色野加。两个人食左50几蚊。点左寿司（最便1.5/件），鱿鱼咖喱饭送糖水（16蚊，好好食，鱿鱼超大块）。虽然间野好细，但好多人去。巨果度中有只烧鸡系招牌菜，先至系20蚊，下次去先试下。

18,嘉仙鸡（珠江广场附近），鸡，排骨，菜，饭（特别）都超好食，值得再去！

19,顺德鱼皮（宝华路），间野剩系得3样野食，猪肠粉（2蚊），粥（5蚊），鱼皮（20蚊/盒，超5抵食，莞茜葱中多过鱼皮），不过好在5系等，你哩头比完钱果头就有得食啦，上野速度超快），都几有广州风味嗝。

20,台湾刷刷锅（恒宝广场3楼），汤底，酱料免费。两个人食左50几蚊姐，好饱啦。点左一碟肥牛，包心丸（5蚊/4粒），年糕（6蚊），金针菇－－－，都几干净卫生啦！

21,百搭果（越富广场附近果间），猪扒饭18蚊（送汤），榴莲斑？（8蚊）超5抵食吖，碟头又5靓，中虽过D大排档吖！